天 上 人 間 林 冰 寫 譚 詠 麟 #5
阿 倫 有 被 吃 的 榮 幸
我說：「毫無例外嗎？總是你埋單嗎？」
「是，除了黃創山入公數，除了梅艷芳在場，毫無例外的總是我埋單。」
我問：「陳百祥不埋單嗎？」
「從不！」答得快而準。
「志偉也從不嗎？」
「佢老馮咁，還催我：喂！埋單o勒，快D啦。」
每年一到大閘蟹上市，阿倫就要支出幾十萬蟹款。
「幾十萬吃蟹，唔係好多o者。」我說
「唔係一季呀。冰姐，係兩個星期呀，你知，我一年到頭來都出埠，吃蟹兩個禮拜就走了。」
有一天，阿倫閑著無事做，在家休息，忽然覺得無聊，就打電話給各人：
「喂！來我屋企吃蟹，AA制，制唔制？」
第一個反對的是健仔，彭健新說：「AA制唔吃，除非你請，你制唔制？」
阿倫的朋友都熟悉他，他不過貪玩，叫一聲AA制，多少錢都付了，還爭在這一次。不欠，他的朋友們就收到他的call：「喂，來吃大閘蟹咯，我請又點話。」
大家便又蜂湧而至。
阿倫鍾意吃蟹膏，健仔每次一開蓋，那黃油油的蟹膏亮出來，阿倫就叫：
「咬啖，咬一啖。」
我打趣：「大閘蟹的蟹膏被咬一啖之後，大閘蟹變甚麼蟹？」
他答得快而準：「肉蟹。」
健仔後來每聽到他叫：「咬一啖，咬一啖。」
他只要揭開那蟹蓋，他便先擰轉身，用膊頭遮住那蟹，不讓阿倫搶到手。
一次，我笑健仔：「喂，成日吃人地o既，人地提出一次AA制，都唔制，唔會難為情o既咩？」
「佢搵咁多錢，我地搵咁少錢，調轉來呀，俾我搵佢咁多，佢地餐餐來吃我，我制呀。」
這種理論聽起來真夠怪，又不是公社制，吃大鑊飯，不過，都是童年的朋友了，當初同撈同煲過，朋友肯吃你，不覺慚愧，也是被吃者的一種榮幸，有時你想請客，人家不賞光也有。
