解放日报呢，上班的地方公家都订得有，好像公家不出钱订晚报，偏偏晚报软性东西比较多，上海话说成"夜报", 实际软得也很有限，也就更受老百姓都欢迎。有些人自己出钱订一份，下午邮递员送信时往楼下公共信箱一放，家里爱看晚报的人，回家时谁先到家谁拿回来，那时社会风气还不错，哪怕你是四类分子，你家订的报也不会有人就不给你，至少上海是这样。也有人每天买一份带回家，还有些舍不得花钱买报又想看报的，就拍大街小巷到处都有的阅报栏去站那儿看，晚去的只好战别人后面，从肩膀之间看过去，一旦前面的人看好了，或者老婆孩子还喊“回去吃晚饭了”，走了之后，赶紧上前一步，站报栏的最前面正正式式读一会儿新民晚报，这号事，好像都是男人，记不得什么时候见阿姨大姐老妈妈站阅报栏前读报的事。可惜照片没弄好. 转载者
【岁月如歌】小辰光买夜报（作者：曹振华）
文/曹振华
记得上世纪六十年代初，我还辣海读初中辰光，阿拉爷每天下班回到屋里向，第一桩事体就是先坐下来看伊刚刚买转来个《新民晚报》。有辰光也要读两段拨我听听，还要叫我一道看看，慢慢交我也受影响欢喜夜报了。再有就是夜报主编赵超构先生就住辣阿拉后门个瑞康里，觉着邪气亲热。
新民晚报
赵超构先生
一日，爹爹搭我讲，要我放学后去屋里对过溧阳路浙兴菜场边浪向买夜报，搿天一放学后就直奔小菜场。想勿到埃个买报地方早已有十几个人辣辣排队了，我也就老老实实排辣人家后头。突然，有人叫了起来：“来了，来了！张阿姨来了！”我抬头一望，搿个张阿姨踏了部脚踏车，车子后头绑了一大袋报纸。大家豪燥排好队，还有人辣队伍边浪做“纠察”，不让人“插档”。总算买到报纸，我开心奔回去，见阿拉爷老早回来坐辣竹椅上了。今朝哪能介早回来了？原来阿拉爷是运输车浪装卸工，勿当心脚压伤了，医生开了病假。乃末好了，爹爹正式关照我，以后买晚报就是我个事体了。
浙兴菜场（后为书店）
买报纸
当年报纸数量有限，葛咾要排队买夜报。排队等报纸辰光，每日碰到个报迷也熟悉起来了，大家讲讲谈谈，倒也蛮热络，勿觉得厌气。有一日，大家正排队等报纸，“夜报买好啦！”几日呒没露面个阿林拿了当日夜报开心个搭排队个人打招呼。伊讲寻到一个好地方，既能保证买到，又比搿搭卖得早。大家问伊啥地方，伊摆奎劲勿肯讲。勿过阿林跑过来悄悄告诉我，伊是辣辣四川北路桥下头报刊门市部后门买个，还要我保密。
原四川北路桥下头报刊门市部
第二日，我勿去浙兴菜场，就直奔报刊门市部后门。我跑过去一看，已有几十个人排着老长个队伍，前头台子浪堆辣一大堆夜报，买报速度也快，一歇歇就轮到我了。虽然多走了点路，但报纸总归好买着。爹爹每日看到晚报，邪气高兴，又觉着奇怪。就问我，你哪能日日买着个？我拿调转方向去四川路桥买报纸事体讲了。爹爹听了后哈哈大笑，“侬迭个小鬼头闷声勿响，倒也蛮活络个嘛！”
受到表扬后，我更加起劲了。有趟学校下半日开大会，我生怕夜报买勿着，就溜了出去，到“老地方”买报纸。回到屋里，班主任朱老师已坐辣屋里搭阿拉爷“告状”了。爹爹讲，我情愿今朝勿看晚报，也勿要侬小鬼勿到学堂里去开会。爹爹请我吃排头蛮结棍个。以后碰到学校有活动或开会，我就勿去买报了，问隔壁李家伯伯借来拨爷看。
报刊亭
小辰光买夜报个事体，现在回想起来，倒蛮有劲个，迭个当中让我懂得了勿少道理辣海。
（原文载于：2012年05月30日《新民晚报》）
