◎两篇台语回应
作者∶旅途夜心，怜芳草
台语诵读∶怜芳草
夜心 ∶
足久矣，无伫台语田园?你开讲，前职站阿，虽然楼顶楼跤，有相搪著，毋过，益袂讲话甸头，著因为主人关门，遂——无奈相闪身，咻仔一吓，道过。
伊，我知影！你可能捎无寮仔门，可能益真关心伊，总讲道是∶知影愈济，操烦道愈济，芳草实在也呒知欲按怎讲，只会当以文字或者呒值钱的祝福送予伊尔。我想，伊若欲开门，门著开！你咧，职码好否？咱少少几个人，用相仝的字，用相仝的腔口，写著熟悉的话语，遮道爱真感谢彼个好所在，写台语文章著会拄著乡亲的好所在。
堂号，是亲族间的联系。呒过，社会变迁，生活环境的无仝，亲情愈来愈薄，友谊，益是共款，准讲是亲疏的关系，但亦是疏到有可能完全呒伤捌。虽然俗语说∶「君子之交淡如水」，到尾矣，我想，嘛有可能予淡到完全焦共离离离。 伫者，芳草我，呒是客气，是逶心肝颖仔讲出来吓。捌共我回应台文的网友，遮拢是乡音的人情味，乡音的亲切，乡音的牵成，所以我昧将逐家放袂记得，益阁会记共牢牢牢。
台语文，芳草一直学习中，夜心总是以鼓励、呵?来代替为难的牵教；其实，阮毋是褒你，你的诗，你的文章，一向拢是我学习的前辈。益著是讲，你爱定定来写台语文章，按仍，我才有办法偷偷仔?步。正厚话的芳草，一吓讲，遂毋知影收尾，歹势呢！最後祝你青春永驻，诗词的花蕊，开共满满是。
芳草∶
这段时日，夜心较无冗，真济代?拢来耽误，嘛减少出外行踏。不二过，夜心嘛有迄坚持寂寞的地方，看著汝讲永远毋关门，彼时阵心头是真感动。这济年来，看著文学网站一站一站开，又搁一站一站关，欲揣像汝这款坚持的人，实在真少。
芳草的呵?夜心毋敢当，无论是台语，抑是文学，夜心拢是一个学徒，汝讲的偷偷仔?步其实正是夜心所做的工课。却是芳草伤过客气，汝的文笔、观点?人生历练，拢是夜心学习的对象。
虽然讲台语的人真济，写台语文章的人确实真少，这几年靠著一群前辈的投入，慢慢有一寡成果，而夜心只是希望伫保留祖先智慧的事业中，加减出力尔尔。
汝讲的朋友夜心悉也，亦确实是真纳闷，这段时间我是三不五时就去共伊撞门，毋过回答我的是冷淡的机器人共门口的秋风。不见伊的影迹，心肝头总是挂吊。先前，夜心有看著汝共伊非常深入的对话，我相信恁互相有联络。若是有机会替夜心传达心意，伊，是夜心敬慕的人，文学道路，伊是夜心的老师。
续尾阿怜芳草阁来讲一寡心内话
写这篇【西河，河西】的台语文，遂予我趁著旅途夜心两篇台语的回应，伫者，芳草欲共你说一声∶感恩真多谢。阿阁有，上介欢喜的道是∶芳草因为这篇台文，予失去将近三冬的网友阁出现在我的坚持寂寞，伊，是我一时懵懂、鸡仔肠、鸟仔肚共搡走、得罪、并且对伊失礼的诗人；一个会念诗予?妈妈听的诗人，芳草阁一改共你致敬，益阁一摆共你会失礼！多谢你无计较，抑阁出面赞声┅┅
上介熟悉是乡音
藏著厚厚吓人情味
上介好听的腔口
嘛是乡音
因为彼是咱上好的沟通的话语
乡音的牵系
终於，拍醒冷淡去吓
人情义理
